يا خسارة

يا خساااااااااارة وياميت مليون خسااااااارة
... عليكى يا مصر يا أم الحضارة
جرحونى ودمرونى و ضربونى
ووسط البشر خلعوا هدومى و صورونى
بدل ما كانوا يصونونى
يا ريتهم
يا ريتهم كانوا صلبونى
أو حتى قتلونى
والا دبحونى
بقى هما دول اللى بيقولوا انهم
بيحمونى !!!
يجوا عليا و من هدومى .... يجردونى
بقالى فيكى أيه
بقالى فيكى أيه
غير الدمع فى عيونى
بقالى فيكى أيه
بقالى فيكى أيه
بعد ما هانونى
و ظلمونى
بقالى فيكى أيه
بعد الجرح الأليم
وعشان بقول كلمة حق
نزلوا عليا بالعصا وقتلونى
و فى الزبالة شدونى
ورمونى
غير الرصاص
غير الرصاص فى العين
ومن ضى عينى حرمونى؟
و أيه كمان فاضل
من ذل مجلس حكم باااااااطل
والله ..... والله صاحب العرش فى سماه
صاحب الملكوت وحده
صاحب الحكم فى علاه
الشاهد الوحيد على اللى جرالى
واللى جرا لأمى ولبنتى وأختى و أخويا فى الميدان
ان كل شئ وله آخر
و خلاص مهى بانت من الآخر
وهااااانت قوى
وهو ده الآخر

بقلم / الشاعره أميرة أحمد